教育局局長吳克儉（吳得掂）上任至今頻頻外訪，單係賺取嘅飛行里數都夠換七套香港至日本嘅來回機票。佢做到六月底就應該冇得撈，不過佢竟然人未走，個心已諗緊「環球大計」。話說教育界議員葉建源日前批評吳得掂缺席一個喺德國舉行嘅國際教學會議，尋日吳得掂回應澄清自己一早已話唔會出席。講講吓，佢突然話自己仍然有興趣就教育議題進行環球性分享喎！唔通吳得掂以為離任後仲有機構請佢周遊列國？依家科技咁發達，不如學吓用社交網站直播功能，全球都見得到喇！
