池上紗理依亭亭玉立

本地有唔少影星都係由童星做起,細細個就演戲;日本演藝界亦一樣,而一班女童星長得亭亭玉立之後,會繼續喺影視圈發展,亦有部分轉戰寫真界,池上紗理依就係其中一位,其性感水着形象深深俘虜一眾寫真迷。

整潔白滑

正所謂一白可以遮三醜,女仔樣子唔太標致,但係肌膚雪白幼滑,喺男人心目中都會得到較高分數。不過,世事無絕對,如果膚色太過蒼白不但冇美感,反而係一種病態,咁點樣先叫做吸引呢?相信池上紗理依可以話畀大家知喇!

21歲嘅池上紗理依青春又有活力,氣質可愛又活潑,加上形象整潔俏麗,見到佢面上展露出燦爛嘅笑容,心情幾差都即刻好番晒,如果香港有多啲好似紗理依呢種女仔,社會氣氛一定祥和同愉快好多啦!紗理依粉頸以下亦有吸引大家嘅地方,冇錯!正是其嬌美身段,身材婀娜而凹凸有致,上圍對D奶甚有睇頭,腰肢同玉腿亦夠纖幼,最重要係膚色白裏透紅,一眼就睇得出阿妹身體狀態極佳,種種條件集合起嚟,予人一種難能可貴嘅健康性感印象。

育成明星魅

池上紗理依喺好多觀眾心目中都仲係細路女一名,原因唔係話阿妹個樣散發出稚氣,而係大家都係睇住佢長大,見證住佢由小女孩長大到家陣亭亭玉立又性感亮麗。紗理依喺2004年,亦即係9歲開始就展開銀色旅途,不過父母唔想佢花太多時間喺演戲方面而荒廢學業,所以當時以臨時童星演出,4年之後,紗理依同藝能事務所簽合約,正式以演員身份登場,後來成為美少女偶像小組「BLESS」其中一位成員。

紗理依細細個就已經喺演藝圈打滾,加上天生麗質,為咗慢慢培育出迷人又耀眼嘅明星風采,事務所安排阿妹參加選美活動「Miss YOUNG 2012」,結果勇奪冠軍寶座。不過,奪得呢個冠軍之後,紗理依嘅寫真演出卻不增反減,唔係因為阿妹被業界唾棄,而係佢忙於拍日劇同電影,呢段日子當中阿妹參演過嘅電影作品包括《裂口女》、《惡作劇之吻 2》。到上年年尾,紗理依終於忙完影視演出,並且強勢回歸寫真界,再次為大家展現其明星級性感魅力。

社交網站

簡介:池上紗理依近期回歸寫真界,頻頻拍攝寫真,而每次阿妹都會將拍攝花絮放上Twitter同大家分享,大家Click上去就可以欣賞到唔少紗理依嘅性感演出喇!

網址:https://twitter.com/ikegamisarii?lang=ja

池上紗理依Profile

年齡:21歲

身高:5呎2吋

三圍:32D-23-34

撰文:賢