職場健康:工作壓力大 先尋原因再根治

老闆在辦公室看見秘書小美垂頭喪氣地坐在座位上:「小美,點解冇厘精神,係唔係受到咩問題困擾呀?」

小美伸出雙手作投降狀:「老闆,救命呀!近排我覺得工作壓力好大,經常都難以集中精神,晚晚失眠,仲經常覺得好煩躁。」

老闆:「你冷靜啲先,有工作壓力一定要好好妥善處理,首先應該搵出壓力來源,工作壓力可來自多方面因素,例如工作性質、環境或者人際關係等等,你諗下近排有冇覺得工作量過大或過小,與同事有冇發生衝突等?」

多做運動 均衡飲食助減壓

小美:「有呀,我覺得工作量好……大,咁老闆有冇咩建議可以幫到我呀?」

老闆:「要有效管理工作壓力,作為員工,首先要積極面對問題,搵同事及上司討論解決問題的方法;你平時要對工作作出計劃,訂立緩急先後,改善時間管理。不過,如果下屬有工作壓力,作為僱主,我哋都應該提供足夠資源,包括人力、物力及技能訓練等,幫助你哋。小美,放心啦,我會安排小晴幫手,一齊分擔你手頭上既工作。」

小美:「多謝你,老闆,我好感動。我知道管理工作壓力要平時多做運動,要有均衡及充足飲食,平時要與同事、家人、朋友建立良好關係,咁我依家放工返屋企陪屋企人同做運動先。不過,老闆,小晴放緊一個月大假,咁嚟堆文件做剩一半我畀你做啦。老闆,我走先,byebye。」

老闆:「咁都得?」

職業安全健康局

www.oshc.org.hk

第一手消息請下載on.cc東網iPhone/iPad/Android/Windows Phone Apps