「黑麻麻無冷氣」 紅磡站混亂
【本報訊】東鐵跪低，乘客怒吼！一名姓王乘客，昨午三時許，在紅磡站登車往大埔，不久發覺「黑麻麻又無冷氣」，當時廣播指發生輕微電力故障，故未有為意，豈料等候約半小後，廣播要求乘客落車，他只好返回大堂，向「絕無僅有」的職員查問，但職員支吾以對，着他到站外等接駁車，可是苦等不見巴士到來，最後需乘西鐵線往尖東，再行到尖沙咀站乘港鐵到九龍塘站轉東鐵。他形容「港鐵指示唔清晰，職員又懵盛盛，安排十分混亂」。
在大學站登車的余小姐表示，本欲在九龍塘站落車前往九龍城，至沙田站知悉發生故障，於是落車轉乘小巴，令原本十五分鐘的車程，延長至一個多小時仍未能到達目的地。她又指，每日搭港鐵，覺得「港鐵只係加價，但做唔到該做嘅服務，尤其東鐵線更成日壞」。
直通車滯留 客捱貴杯麵
東鐵故障波及中港兩地直通車服務，從事貿易工作的蘇小姐稱，當直通車抵達深圳時突然停下，職員僅稱信號有問題，最終呆等四小時才能抵港。乘客唐先生亦不滿職員無通知發生故障，「你話我聽出事，我咪坐其他車返香港囉！依家滯留喺個站，又唔畀落車，喺架車呆等，又凍又餓，只可以被迫食佢啲天價杯麵（廿五港元）。」
