政情：「珍惜時光」 蕭偉強晒家庭照

新一屆問責班子人選傳聞滿天飛，近日一度盛傳民主黨成員、扶貧委員會轄下關愛基金專責小組主席羅致光會擔任勞工及福利局局長，而現屆局長蕭偉強就選擇喺尋日嘅母親節，同大家分享家庭照，大打溫情牌。據知蕭偉強係臨別秋波，玩溫馨同大家祝賀節日。佢話自己好珍惜每一個同家人共度嘅美好時光，趁住母親節，加上今日係國際家庭日，希望連同一對仔女向太太表達愛同感謝。