中環出更：BCA公聽會遭撒溪錢 吳克儉引聖經回應
趁住尋日係母親節，教育局局長吳克儉（吳得掂）喺facebook（fb）上提到自己度過咗首個沒有母親同太太嘅母親節；對於有人喺立法會教育事務委員會有關基本能力評估研究計劃（BCA）嘅公聽會上大撒溪錢，惡言「招呼」佢已經去世嘅太太同母親，佢形容係超越理性討論嘅一幕，又引用聖經經文回應指「他們所做的他們不曉得」。
吳得掂喺fb上先向全港母親送上祝福，指自己舊年第一次度過咗沒有母親嘅母親節，今年則係第一個沒有太太在旁嘅母親節。他感激佢哋嘅照顧、陪伴同鼓勵，令自己有溫暖同正面嘅人生。
形容為超越理性的一幕
及後佢又提到人生總有令人遺憾嘅事情，如日前有人喺公聽會上大撒溪錢，仲惡言「招呼」佢同佢已經離世嘅太太同母親，佢形容是超越理性討論嘅一幕。
佢想起朋友用嚟勉勵佢嘅一節經文指「他們所做的他們不曉得」。佢又話為咗栽培孩子成為積極正面嘅一代，希望全社會繼續為到教育而去努力。
卓妮