唔少議員都試過宣傳品錯字甩轆，但就算啲字寫啱，位置放錯其實都會引起誤會。葵青區議員劉美璐就畀人發現，喺橫額寫上「成功九巴妄顧市民安全，爭取巴士站遷回原位」（圖），句子語法不通，真係令人難以理解。
劉美璐事後解釋，係因為太想盡快話畀街坊知「成功爭取」巴士站遷回原位，而心急下出錯，令人誤會都覺得唔好意思，佢一知道消息就已經急急補鑊回收橫額。佢又話經過今次之後每次印橫額時都會留意清楚，都算係經一事、長一智喇！
