政情：楊偉雄唔食基因改造食物

覺得對身體唔好

Nick尋日出席「創新科技獎學金計劃」頒獎禮時透露，佢個仔今年廿三歲，喺美國讀緊food science，即係有關食物安全，同埋點樣喺細小嘅空間種多啲嘢，呢啲都需要科技幫手（口架）！

阿Nick話自己都好注重食品安全，絕對唔買基因改造食物，覺得對身體唔係咁好，盡量都買啲天然食品，唔一定等如有機，用科學肥料亦不一定係差，而且有時有機都係假，自己通常都係去大型超市買嘅，覺得咁樣「假不了」。佢又話自己好鍾意打網球，但冇乜時間打，考慮緊有冇虛擬方法練習下，等自己隨時有得打喎。

講開食嘢，降低食物中鹽和糖委員會主席陳智思就透露，大仔食嘢仲清淡過自己，例如鍾意食白烚嘅蔬菜，而大仔同細仔都幾乎完全唔飲汽水，可能係自小生活習慣有影響，另外，可能因為自己做過可持續發展委員會主席，影響到大仔未來希望讀環保有關嘅科目。