中環出更：飛甩老土眼鏡潘俊彥讚長者潮得起

仁愛堂早前舉行第三十七屆及第三十八屆董事局交代就職典禮暨晚宴，卓妮見到由總理升呢做副主席嘅潘俊彥，講起仁愛堂服務對象以長者為大多數，佢就話長者都可以潮喎。
羅台秦（中）同兩位新副主席陳鑑光（左）及潘俊彥（右），對未來嘅慈善工作有唔少新諗頭。
羅台秦（中）同兩位新副主席陳鑑光（左）及潘俊彥（右），對未來嘅慈善工作有唔少新諗頭。

潘俊彥指自己做開眼鏡生意，早前收購咗間老字號眼鏡公司，近年有與善團合作，安排免費為部分長者配眼鏡。見長者們知道係佢哋公司同埋所有眼鏡都係大牌子時表現雀躍，佢自己都好滿足。佢認為現時人口老化，長者都希望追求更高質素嘅生活，比起老土款式，長者一樣可以戴有型有款嘅眼鏡咁話。

李愛平接棒做新主席

至於李愛平就喺前主席鄧錦雄手上接棒，成為仁愛堂新任主席。李愛平話上任之前已開始有好多準備工夫要做，想話去個旅行先至上任都行唔開。現時更已密鑼緊鼓開始籌備嚟緊五月嘅米芝蓮三星大廚慈善晚宴。佢話當晚請咗兩位本地米芝蓮三星大廚一展功架，但佢就冇試菜，點解？因為佢話兩位大廚會採用到時時令嘅食材製作菜式，所以依家冇得試喎，令人特別期待！

前主席鄧錦雄（左）卸任，由李愛平（右）接替成為仁愛堂新主席。（湯佳樂攝）
  • 前主席鄧錦雄（左）卸任，由李愛平（右）接替成為仁愛堂新主席。（湯佳樂攝）
新總理何建偉（左三）獲太太（右三）、好友胡建東（其餘左起）、「洗樓王」王嘉源、e-banner創辦人陳剛雄及「生蠔王子」何智聰撐場。
  • 新總理何建偉（左三）獲太太（右三）、好友胡建東（其餘左起）、「洗樓王」王嘉源、e-banner創辦人陳剛雄及「生蠔王子」何智聰撐場。

其實，今年仁愛堂董事局嘅成員由舊年嘅二十九位激增至今年四十位，其中有十九位更加係首次加入仁愛堂的總理，包括黃文軒、岑浩、何建偉等。

在場見到副主席羅台秦同陳鑑光，原來羅台秦老公戴澤良喺就職禮翌日七十歲大壽，兩公婆會同一大班朋友一齊到佢哋旗下喺深圳南澳嘅私人沙灘慶祝。陳鑑光則被一班嘉賓捉住幫手影相，原來佢之前跟仁愛堂極地之旅去南極時，幫同行朋友影相影得多，揣摩到拍攝人像的技巧，難怪啲女士咁鍾意搵佢影相啦！

卓妮

第一手消息請下載on.cc東網iPhone/iPad/Android/Windows Phone Apps