泛民近年就《撥款條例草案》提出大量修正案去「拉布」，今年亦提咗七百多項，雖則數目已明顯減少，但主席梁君彥並冇因而手軟，反而更大刀闊斧咁剪剩一百八十五項，搞到議員梁國雄（長毛）狠批議員對政府提出質詢權利被侵犯，更揚言考慮提出司法覆核添！其實今次長毛已自己剪布，提咗五百多項修正案較往年少好多，但梁君彥就以無聊及無意義大幅剪剩廿八項。剪完又剪，火滾又點呢？鬼叫你唔啱規矩咩！
