政情：公民講場：立會「述職」勁惹火 陳章明被「雙娘教子」

平等機會委員會主席陳章明上任以來一向爭議多多，尋日佢到立法會匯報工作時，就分別畀民主派同建制派議員炮轟辦事不力。議員黃碧雲怒斥陳章明無接觸香港大學疑被性騷擾嘅男學生，另一議員梁美芬就批評佢喺《性傾向歧視條例》立法方面偏聽，冇聽取反對聲音，質疑佢咁點做平機會主席。雖然被「雙娘」教子，不過陳章明都要趁機大呻平機會資源匱乏，要搬遷寫字樓紓緩租金壓力，真係禍不單行。