法庭：裸照逼性交案 被告：女生從事援交
【本報訊】十八歲女生為籌募男友的醫藥費，而向中年男網友傳送其裸照以換取貸款，惟對方「走數」之餘，更涉藉裸照逼女生供他淫辱。涉案四十三歲無業被告關銘豪，早前在區院被裁定非禮、促致性交及刑事恐嚇共四罪表證成立。他昨日自辯，指稱女生是從事援交，他更稱有感對方貪錢而「玩吓佢」。他又「豪言壯語」指把對方裸照放到召妓網站，只是「幫佢賣廣告，咁叫恐嚇佢？」
「玩吓佢 叫扮狗吠」
被告作供指，去年三月透過交友程式認識女事主X後，X向他借款四千元以醫朋友的病，X並指從事援交。被告要求「睇吓辦先」，X遂傳送廿二張包括有裸照的相給他。其中兩次付錢，兩人之後以「老婆老公」暱稱。被告強調X是自願口交，「佢唔願意同我口交，佢可以咬我嘛」。
控方指X從沒講過做援交，只因被告恐嚇會發布她裸照及傷害她家人，X因害怕才依被告指示，擺不雅姿勢拍照及扮狗吠等，被告否認。惟被告自行透露，「我最嬲係佢（X）叫我買卡地亞手鈪」、「佢咁貪錢，我玩吓佢啫，才叫她（X）扮狗吠」、「佢叫得我老公，叫佢影有乜問題」。控方又指，被告若有感X是貪錢的「雞」，質疑他何不斷絕來往。被告遂表示「因自己單身，X又『聽話』，就好似養狗咁，隻狗乖，你都鍾意啦」。被告又斷言，X送裸照給他，他發布其裸照亦應合理，他更指「就算發布，都係幫佢搵錢」。
案件編號：DCCC 629/2016