政情：公民講場：東江水未定價 議員齋拗嘥氣

立法會東江流域考察團曲終人散，各黨派議員最關注都係東江水來港價格嘅問題，其中泛民議員黃碧雲再次批評，統包制買水令香港每年浪費大量金錢，但來自建制派嘅工業界議員偉國則力撐現行統包制做法可以確保香港供水穩定，又引述考察期間有內地官員曾稱，東江水按量收費未必比統包制便宜。一句到尾，無論建制、泛民代表嘅建議幾有理據，最緊要係發展局同內地方面展開未來三年供水協議嘅商討時，可以爭取到最好嘅協議，否則大家拗來拗去只係百忙一場。