教育局局長政治助理施俊輝（Jeff‧左一）同太太（左二）早前為滿一歲嘅女兒舉行生日會，勞工界立法會議員何啟明（右二）帶埋囝囝出席，其實一個負責教育範疇，一個係勞工界代表，理應大纜都扯唔上關係，不過原來二人係九龍華仁書院畢業嘅師兄弟。何啟明透露識咗Jeff近廿年，但近一、兩年先傾多咗偈，又笑笑口話今次係佢哋嘅下一代首次接觸，拍咗一下手仔，希望以後約多幾個政界人士嘅下一代出嚟，一齊玩吓同輕鬆吓，咁大家都冇湊得咁辛苦喎！
（互聯網）
