政情：公民講場：東涌撥款施壓馬紹祥打公屋牌

政府將向立法會申請逾二百零五億元撥款，進行東涌新市鎮擴展區嘅填海工程，喺提供嘅四萬個單位中，六成係公營房屋。發展局話關注立法會工務小組同財委會大塞車，強調呢個係重要嘅中期房屋項目，期望喺今個立法年度結束前取得撥款，如果到下一立法年度初期仲未獲批撥款，會拖延項目落成時間。發展局局長馬紹祥打公屋牌，仲講到有時限性，就算佢話唔係施壓，班泛民都當佢係啦，點會畀佢輕易過關，唔拉到天昏地暗先奇。