近日嘅城中焦點係管治新班子嘅組成，盛傳有機會出任勞福局局長或特首辦主任嘅食物及衞生局常任秘書長聶德權，尋日話唔評論有關加入下屆政府嘅傳聞，但佢講到公務員隊伍同政治委任隊伍屬同一隊，而佢強調一定會在隊伍中服務喎。佢講埋啲咁大仁大義嘅嘢，仲咁識兜圈，唔怪之得傳佢升官喇！而公務員事務局局長張雲正亦話候任特首林鄭月娥喺北京嘅行程可能會討論組班事情，相信佢喺適當嘅時候會自行公布。
