拖足兩年幾，終於有佔中搞手被檢控！首批被檢控嘅仲包括佔中發起人之一陳健民，回帶睇番最初發起佔領行動時，陳健民實牙實齒話自己搞嘅係公民抗命，已經準備承擔一切法律責任，唔會抗辯，但佢突然改口風，話抗唔抗辯仲要考慮控罪係咪合符事實、律政司引用嘅法例合唔合適，同埋對日後嘅公民權利有冇影響喎。到咗要找數嘅時候，佢先講咁多嘢，喺度扭扭擰擰，係咪想出爾反爾先？
