政情：公民講場：失電腦究責 馮驊煩點拆

選舉事務處日前被踢爆喺特首選舉後備場地亞洲博覽館遺失兩部載有選委會委員同全港選民個人資料嘅手提電腦，隨時變成私隱外洩大災難。私隱署即時展開循規審查，唔少立法會議員即刻撲出嚟話要追究責任，質疑有冇公職人員違反內部守則，又猛烈批評處方行為失當，更有政黨踩上門要求選管會主席馮驊引咎辭職添！呢次失腦非同小可，馮驊肯定好頭痕，事關點拆都拆唔掂。