巴西出口商被揭出售腐肉醜聞，食環署食物安全中心即禁止所有巴西生產嘅冷藏嘅冰鮮肉類及禽肉進口，有批發商會尋日指政府應先查證有問題批次嘅巴西肉類有冇進口先作有關決定，炮轟政府做法倉卒，引起不必要恐慌。其實早前發生內地哮喘豬事件，政府未查清楚就點錯相兼急急去銷毀啲豬，畀商販鬧爆「躺着也中槍」，最後仲要賠償添，若果凍肉事件又重複犯錯，食物及衞生局局長高永文仲坐唔坐得穩呀？
