政情：三日兩次 漢奸黎又密會「老鴿」

前後腳離開 單仲偕又食又拎

直至晚上八時，漢奸黎自行離開，約五分鐘後再有三人一同離開食肆，原來係民主黨（白鴿黨）前主席李永達（高達）、民主黨前副主席單仲偕及社民連前主席陶君行，當中單仲偕仲手持打包食物離開。當問及係咪同漢奸黎食飯時，高達冇正面回應，僅稱「傾啲嘢」，再被追問係咪涉及選舉事宜，三人其後冇作任何回應就離開。

資料顯示，漢奸黎喺近日頻密會攪局，三名白鴿黨「老鴿」外號「李漢奸」嘅白鴿黨創黨主席李柱銘、高達同單仲偕係密會「常客」，連同尋晚一次在內，後兩者喺三日內兩度同漢奸黎密會，上次係白鴿黨於本周一宣布黨內七名立法會議員全投特首候選人曾俊華之時。

而李漢奸亦被發現數日內兩度同漢奸黎密會搞局，其中李漢奸上周五竟然選擇缺席白鴿黨黨慶晚會，都要選擇同漢奸黎密會，而事隔數日後，李漢奸又同前廣播處長張敏儀等人，到漢奸黎寓所密會三小時。有漢奸黎身影嘅密會愈嚟愈多，唔通佢哋想喺選舉前最後一刻「玩鋪勁」？