政情：公民講場：復康巴士 供不應求 蕭偉強終認衰

政府話會繼續投放資源改善醫療同安老服務，亦會加強對殘疾人士嘅照顧同支援，但原來舊年有七千幾宗復康巴士嘅服務申請未能安排，勞工及福利局局長蕭偉強尋日都話雖然相關服務已較五年前有所進步，但仍有改善空間。蕭偉強咁講，擺明係認衰啦！尤其佢用五年前嘅數字做比較，就更加凸顯服務遠遠追唔上需求，希望佢話會持續增加復康巴士嘅數目，唔係口噏噏就算。