本港稅基狹窄，專業人士年年提出擴闊稅基嘅建議，但係開徵新稅項需要極大政治勇氣，多年來政府只係得過且過，少做少錯。尋日工黨主席胡穗珊帶頭建議政府開徵大額股息稅，向持有一千萬元股票資產嘅人士開刀。香港貧富懸殊愈來愈大、民怨愈來愈深，政府如果有承擔行出擴闊稅基嘅第一步，相信都有助於紓緩社會對立及緊張氣氛，唔知財政司司長陳茂波又點睇呢？
