財政司司長陳茂波（波叔）餘下四個多月任期，前日發表佢首份財政預算案，外界就批評庫房水浸下「派糖」金額不增反減。就算係咁，波叔仍然從中受惠，佢由出任問責局長「升呢」為財爺只係一個多月就成功「洗底」，大學最新民調顯示，波叔評分為四十七點四分，較之前上升十三點四分，雖然仍然低於五十分，但總好過之前評分一直於谷底徘徊，至於能否做到否極泰來，就睇佢個人嘅造化嘞！
