政情：印童健康堪憂 劉玉燕嘆文化差異

階級種族問題影響教育

曾經喺中電工作嘅阿Jane以前經常去印度公幹，但係同今次考察嘅對象好唔同。大家都知印度人食嘢唔用筷子、刀叉，而係直接用手，但係當地竟然有一半人唔會洗完手先至食飯，所以經常肚屙。呢啲文化上嘅差異加上階級種族問題，令到當地小童嘅健康同教育問題好嚴重。

今年目標：杜絕小兒麻痹

講起兒童福利，最近南蘇丹爆發饑荒都令阿Jane好難過。所以佢哋已經發起全港募捐行動，希望為南蘇丹受到苦難嘅兒童送上溫飽。

至於今年另一工作重點係杜絕小兒麻痹症，現時全球只得阿富汗、巴基斯坦同尼日利亞仲未杜絕小兒麻痹症，阿Jane希望可以籌款支援，務求令個案數目減至零。