政情：公民講場：泵水「西九騙局」小肥張仲死撐

西九文化區多年來一直超支，唔夠錢就大安旨意上立法會攞錢，畀議員鬧爆。西九管理局尋日又向立法會交代，話仲差一百一十七億元先夠完成第二同第三期工程，有議員即時炮轟西九係騙局，再泵水只會令佢哋成為獨立王國；但身兼西九管理局主席嘅政務司司長張建宗（小肥張），竟然仲死撐話係因為建築成本大增同公眾諮詢搞得太耐所造成，同管理不善無關喎。