南方習俗則晚上擺酒
至於香港流行的晚間婚宴，她指是源自內地南方的婚嫁習俗，「南方人相傳，『婚』字由『女』『日』『氏』三部分組成，意思係指新娘喺日落時分嫁入男家，同埋以前南方社會，以務農維生，中午係工作時間，所以行禮、擺酒就喺夜晚舉行。」
她表示，香港是國際大都會，受西方文化薰陶，新人結婚擺酒時，甚少考慮自己籍貫是內地南方或北方，他們選擇午間或晚間舉行婚宴，是基於實際考慮，「夜晚擺酒時間長啲，可以隆重啲；中午擺酒，感覺上好似簡單啲，適合唔鍾意麻煩嘅新人；其實，幾時擺酒都唔係問題，最緊要係新人同雙方家長都接受。」