尋日有幾百人集會，反對清拆辛亥革命作戰基地、被評為一級歷史建築嘅屯門紅樓，集會代表指紅樓極具歷史價值同教育意義，促請政府將之列為法定古蹟。喺群情激憤嘅情況下，發展局局長馬紹祥話暫未收到有業主打算拆卸紅樓，又話未來若有需要，政府會即時跟進，包括考慮將紅樓列為暫定古蹟咁話。馬紹祥唔好以為講幾句就敷衍了事，強拆紅樓隨時變咗景賢里翻版，到時點收科？
