政情：小花植潔鈴自爆冇拖拍
做地區工作不時都會遇到過分熱情嘅人，被指係新一代民建聯（民記）「小花」嘅植潔鈴（Elaine）透露，自己依家仍然係單身，亦冇瘋狂嘅追求者，淨係有男街坊不時打畀佢啫，嗰名街坊聲稱喺佐敦開糖水舖，打畀佢話要請食糖水喎。不過，Elaine依家係服務緊柴灣漁灣區㗎！咁Elaine有冇避去佐敦呢？佢就話自己本身都好少去嗰區。
父母開明冇催婚
Elaine話自己依家廿八、九歲，但父母都好開明，冇催佢快啲嫁，佢話以前拍拖都係長距離戀愛，所以結果都係分咗手，依家已經兩、三年冇拍拖啦！
講起工作，Elaine同媽媽都服務過東區佳曉，先係佢媽媽植太參選過區議會選舉，之後就到Elaine參選，雖然兩母女都唔成功，但Elaine已開始服務埋漁灣區。咁會唔會積極考慮下屆區議會選舉出戰漁灣呢？佢就冇正面回應，只係笑住話，希望繼續服務漁灣區喎。