中環出更:難忍「毒媒橫行」示威者怒轟漢奸黎

反壹傳媒黎智英(漢奸黎)嘅示威持續,兩名聲稱自發前來嘅男女尋日帶上橫額同紙牌,到漢奸黎嘅寓所附近示威,怒轟漢奸黎係黑金金主及佔中黑手,並且要求佢滾出香港。

展示「佔中黑手 千古罪人」標語

示威者尋日下晝約一時三十分抵達漢奸黎位於何文田嘅寓所附近,即場展示印有漢奸黎頭像兼寫有「反中亂港肥佬黎」、「毒媒橫行 禍港殃民」、「佔中黑手 千古罪人」、「黑金金主 厚顏無恥」同「漢奸走狗 滾出香港」等字句嘅紙牌同橫額示威。

近期針對漢奸黎嘅示威行動不絕,自舊年六月十日起計,至今已踏入二百五十三日,連同尋日嘅示威行動在內,到漢奸黎寓所附近同將軍澳壹傳媒大樓外示威嘅行動最少達一百五十七次,當中自稱霸王國際集團員工及苦主佔十次、正義聯盟佔三次,旅遊業界及其他人士則有一百四十四次。

卓妮

第一手消息請下載on.cc東網iPhone/iPad/Android/Windows Phone Apps