網民力撐車長 批警選擇性執法
【本報訊】各大巴士公司車長今日發起「依法上落」行動，料會有大量上班上學的打工仔及學生受影響，隨時遲大到！有關警方「濫抄巴士車長」事件一出，隨即引來大批市民及乘客於網上留言力撐車長行動，又批評警方無理要車長們「硬食牛肉乾」，其執法準則無理而且不公平，亦有市民說平日塞車時車長會遷就他們上落車，這種彈性「方便大家」，如果「禮貌埋站」就「見到個站都落唔到車啦！」。
的士等客未遭驅趕
九巴職員權益工會預告今日發動大型行動，引起不少乘客及市民網上回應，其中乘客Williams Tamg就批評警方選擇性執法，「銅鑼灣、西洋菜街、卑路乍街等的繁忙街道都堆滿的士等客，私家車等人，大把車輛可以讓警方執法驅趕或票控，為何警方卻針對服務市民的巴士票控呢！完全唔明執法人員究竟想怎樣？」
網民Kai Hong Cheng則指，車長未泊入巴士站就准許上落，都是希望方便市民，「上落客會浪費多少時間，咁都要砌，每次都埋站才上落客，屆時阿sir你仲頭痕。」另一網民Yim ling Bong則說：「我對警察抄九巴司機牌，（覺得）真係無人情味呀！九巴司機我支持你！」
昨日互聯網相片所見，當警員向巴士車長發出告票時，剛好有乘客落車，他們也疑問地查詢「為何要向車長發牛肉乾？」，顯示原巴士上乘客亦不認為車長埋站行為有何不妥。