政情：公民講場：教資會款客冇節約洗腳唔抹腳

審計署長報告早前揭發教資會秘書處遺失教資會同質素保證局成員提交嘅廿六份利益登記表，之後仲大花筒到用巨額訂商務機票同埋貴價酒店招待海外人員。立法會政府帳目委員會尋日發表報告，鬧爆教資會洗腳唔抹腳，仲話對其管治表示「極度不滿」，會向政府了解之後有乜改善安排，作為教資會主席嘅唐家成真係責無旁貸。公帑係嚟自市民嘅血汗錢，當然要（目及）到實，點可以亂咁使。