政情：畀南亞人跟蹤 賴嘉汶眼神制敵
唔少南亞人士聚居喺元朗、油尖旺一帶，令當區居民受到唔少滋擾。家住新界西嘅民建聯「小花」賴嘉汶（Apple）更透露，曾經畀南亞裔人士跟蹤添！
Apple話洪水橋輕鐵站一帶經常有南亞人士聚集，而喺傳媒廣泛報道假難民問題之前，佢試過夜歸落車時遇到南亞人士跟住佢返屋企，期間仲口花花叫佢「靚女」添！好彩佢並冇損失，話靠兇狠眼神睥住佢哋囉！不過，因為有南亞人士對社會滋擾近期受到廣泛關注，警方已經加強巡邏，所以Apple可以稍為放心喇。
現擔任福利政策副發言人
Apple年紀輕輕已加入政黨工作，仲成為福利政策副發言人，佢話當初家人對佢選擇從政都有微言，但見佢做得開心，而且做到嘢，所以都變為支持。