依家覓得土地僅足以興建廿三萬六千個公屋單位，遠遠落後於長遠房屋策略訂出十年興建廿八萬個嘅目標。運輸及房屋局長張炳良尋日話房委會大小通吃，即使單幢樓、成本高都會照做。講到實牙實齒咁，但地區人士早就鬧爆政府搶地起牙籤樓，想插針都難，況且張炳良講明做到任滿就唔撈，距今只剩番幾個月，試問佢仲可以做到乜嘢，睇嚟都係齋噏居多喇！
