政府即將換屆，任內劣迹斑斑嘅教育局局長吳克儉（吳得掂），睇怕過渡下屆政府嘅機會都好渺茫。對於香港大學校長馬斐森提早劈炮唔撈，兼且過檔愛丁堡大學，唔知吳得掂心裏會唔會好「葡萄」呢？吳得掂尋日出席香港佛教聯合會新春團拜活動時，被問到點樣評價馬斐森嘅表現，吳得掂就未有正面回應，淨係話港大過去十幾年都比較政治化，但最近已經有進步，希望呢個勢頭可以延續喎。其實吳得掂主理嘅好多政策都變得政治化，又邊有資格對人哋指指點點吖！
