政情：今日你上鏡：與鯊同游 龐愛蘭怕怕

農曆新年有數日假期，唔少政界中人都把握時間離開香港充一充電。沙田區議員龐愛蘭（Scarlett）亦喺年廿九遠赴澳洲阿德萊德度歲，探吓囝囝之餘，都有參加當地嘅海洋導賞團。導賞團特意安排團友落海同唔同海洋生物共泳，團友可以選擇與海豚共泳，或者刺激啲同鯊魚共泳，真係少啲膽量都唔得。不過，Scarlett就唔敢同鯊魚共泳喇，只係近距離觀賞吓海豚，始終海豚較為溫純可愛嘛，叫聲仲好好聽添！