中環出更：家宅不寧 漢奸黎日遇示威 夜搞密會
聲討壹傳媒黎智英（漢奸黎）嘅行動停不了，喺禁制令頒下後及新春期間仍然持續。尋日兩名聲稱自發前來嘅女子，繼續到漢奸黎位於何文田嘅寓所附近展示紙牌示威。到咗傍晚，「搞事四人幫之一」嘅李柱銘（李漢奸）等人到訪黎宅，漢奸黎仲親自出嚟迎接，唔通新年流流就密謀搞事？
尋日下午約兩時左右，兩名聲稱自發前來嘅女子，帶同示威紙牌抵達漢奸黎寓所附近。佢哋展示「嚴查黑金 不容姑息」、「千古罪人肥佬黎」、「漢奸走狗黎智英 搞亂香港正衰人」、「大魔頭 大漢奸 黎智英 滾出香港」等字句嘅標語，有警員到場了解。
李漢奸夫婦趕赴約
到咗傍晚六點半，李漢奸夫婦開車到咗黎宅，其後有一班朋友陸續抵達，至晚上九點二十分離去。大年初一漢奸黎即離港，直至尋晚先至返嚟，李漢奸即急不及待同漢奸黎團聚，唔通又密謀搞亂香港？
近期針對漢奸黎嘅示威行動不絕，自去年六月十日起計，到漢奸黎寓所及將軍澳壹傳媒大樓外示威嘅行動最少達一百四十三次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百三十次。
卓妮