公立醫院鬧醫生荒，食物及衞生局局長高永文尋日話公院長期欠缺二百至三百名醫生，期望醫務委員會審批有限度註冊醫生來港喺醫管局工作嘅人數增至五十人以上，以加快填補人手。佢咁講擺明係想醫委會開閘喇，然而立法會醫學界議員陳沛然就大潑冷水，話咁做根本唔能夠對症下藥，業界反而擔心政府係為輸入「廉價外勞」搵藉口。換言之，莫講話開閘，而係此路不通呀！
