中環出更：赤口示威 轟漢奸黎千古罪人
聲討壹傳媒黎智英（漢奸黎）嘅行動喺禁制令頒下後仍然持續，尋日係初三赤口，兩名聲稱自發女子到漢奸黎位於何文田嘅寓所附近展示紙牌示威，示威者更直斥漢奸黎係千古罪人，要佢滾出香港。
展示「嚴查黑金 不容姑息」紙牌
尋日下晝約兩點半，兩名女子帶同抗議紙牌抵達漢奸黎寓所附近示威。佢哋展示印有「嚴查黑金 不容姑息」、「千古罪人肥佬黎」、「漢奸走狗黎智英 搞亂香港正衰人」及「大魔頭 大漢奸 黎智英 滾出香港」等字句嘅標語。
近期針對漢奸黎嘅示威行動不絕，自舊年六月十日起計，至今已踏入二百三十五日，連同尋日嘅示威行動在內，到漢奸黎寓所及將軍澳壹傳媒大樓外示威嘅行動最少達一百三十八次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百二十五次。
卓妮