政情：有相為證：直銷追魂Call 累黃繼兒跌斷手筋

現今直銷電話氾濫，連個人資料私隱專員黃繼兒都未能幸免。佢尋日出席年結傳媒聚會嘅時候，除咗話濫用個人資料作直銷嘅投訴個案至今仍然高企，仲自爆早前跌斷手筋，「罪魁禍首」正係一個直銷電話！

右手戴上約束帶嘅黃繼兒話，上個禮拜接聽一個直銷電話嘅時候，「唔知有一級（樓梯）跌親」，導致連接右肩嘅筋絡斷裂，須接受手術駁回。邊間公司「咁好帶挈」呀？佢就話聽唔到。佢又話未來六個禮拜都要戴上約束帶，限制手部伸展角度，仲講笑話「六個月之後先可以打得Golf（高爾夫球）」，認真慘情！