暖男救病雀 買回家醫治

八十後林港基（Boris），多年來先後養過龜、魚、甲蟲等不同動物，卻始終對雀仔情有獨鍾。他認為鳥類智力比人們想像中高，「雀仔其實好醒目，聲線又有好多變化，可以由聲音中知道佢哋語言，我好鍾意同佢哋交流！」

8年救治10小鳥 常流連雀仔街

Boris家中有九隻鸚鵡，最初在親戚家中對雀仔「一見鍾情」，至今有十五年養雀經驗。救雀八年，救過十隻小型鳥，談及所救的第一隻雀，他指當時在街上拾到一隻沒有腳環的虎皮鸚鵡，瘦弱之餘又患疥癬病，無法找到主人，於是便帶牠回家照料。

修讀理科的Boris全無治療雀鳥專業知識，要不斷搜集資料、觀察和詢問獸醫，幸他本身有養雀經驗，經研究後用藥物稍作護理，虎皮鸚鵡便慢慢痊愈。此後，他常常流連雀仔街，觀察有否疑似患病的雀鳥，「養咗雀仔咁多年，都遇過唔同小病，自己有啲護理經驗……所以睇吓會唔會幫到患小病嘅鸚鵡，出一分力令佢哋舒服啲。」他表示，雖然店舖會將病雀隔離照顧，但一間舖有數百隻雀，未必隻隻都可全天候照料，故選擇向店家購買病雀，「幫得一隻得一隻」。

學懂護理 加溫少騷擾適當用藥

雖然並非專業，但多年的救雀經驗，亦令Boris整合出護理病雀的三大要點：加溫、減少騷擾、使用適當藥物。他指，因收費較高昂，小型鳥在化驗、麻醉過程中又會有很大風險，所以會先觀察雀鳥及進行簡單護理，再決定是否向獸醫求助。Boris又指，寵物買賣之中，龜、魚以及雀鳥等卵生動物，因繁殖數量多，容易成為「小眾」被忽略，即使病患或受傷都較難察覺。