政情:播完獨返港 黃之鋒fb報平安

香港眾志秘書長黃之鋒同立法會議員羅冠聰,早前大鑼大鼓咁赴台出席台獨組織搞嘅論壇播獨,無論去程同回程都被大批示威者圍堵,變咗過街老鼠。可能見過鬼都怕黑,黃之鋒日前就鬼鬼祟祟咁再去台灣出席活動,但回程就不知所終,原來佢已經返港。佢喺facebook(fb)專頁話,安全回到香港,感謝香港機場保安和警方的協助,並聲言:「終於有軍裝警員在接機大堂駐守。」

黃之鋒喺fb話今次行程要感謝台灣警方的幫忙,「不好意思」、「抱歉為台灣帶來不便」,佢又話將來無論喺香港定喺海外,出席公開或私人活動,都必定會多加注意安全。

佢係應邀出席「新社會智庫」主辦嘅「兩岸政經研習營」,佢話同台灣幾十個嘅年輕研究生,分享佢對香港民主運動嘅想法。

第一手消息請下載on.cc東網iPhone/iPad/Android/Windows Phone Apps