中環出更：示威者冒雨轟漢奸黎「港獨黑金主」
聲討壹傳媒黎智英（漢奸黎）嘅行動喺頒下禁制令後持續，二十名聲稱自發人士尋日冒雨到到漢奸黎位於何文田嘅寓所附近示威，示威者拉起橫額及高叫口號，怒轟漢奸黎係佔中港獨黑金主。
雙語嗌口號 「全家滾離香港」
示威者尋日朝早約八時抵達漢奸黎寓所附近表達不滿，佢哋拉起寫有「賣國亂港佔中港獨黑金主，大漢奸黎智英全家滾離香港」等橫額及紙板站立，期間又以廣東話及普通話叫喊口號表達不滿。示威者逗留逾句鐘後離開，及至下午一時二十分再折返，繼續示威，逗留至三時三十分和平散去。
近期針對漢奸黎嘅示威行動不絕，自舊年六月十日起計，至今已踏入二百二十一日，連同尋日嘅抗議行動，到漢奸黎寓所及將軍澳壹傳媒大樓外示威的行動最少達一百二十五次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百一十二次。
卓妮