中環出更：示威者冒雨踩場 抗議漢奸黎禍港
聲討壹傳媒黎智英（漢奸黎）嘅行動喺禁制令頒布後仍然持續，尋日朝早一批為數二十人、聲稱自發人士，冒雨到漢奸黎位於何文田嘅寓所附近示威，佢哋帶同橫額，以默站及作出拇指向下動作，無聲表達對漢奸黎嘅不滿。
拇指向下 默站抗議
尋日朝早約十點半，二十名聲稱自發到場嘅市民抵達漢奸黎寓所附近，眾人展示寫有「禍港金主」、「反中亂港肥佬黎」等紙板，期間並無叫任何口號，只以拇指向下方式以示不滿。期間警方一度到場了解，眾人逗留至十一時四十分便和平散去。
近期針對黎智英嘅示威行動不絕，自去年六月十日起計，至今已踏入第二百一十九日，連同尋日行動在內，到黎智英寓所及將軍澳壹傳媒大樓外示威嘅行動最少達一百二十三次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百一十次。
卓妮