中環出更：示威者默站 抗議漢奸黎賣港

早上逗留個多小時 下午再折返

該批示威者尋日朝早八時許抵達漢奸黎寓所附近嘅行人路，佢哋手持印有「剷除媒毒　打倒漢奸」、「法治雖死仍需嚴守法令　擦亮眼睛抗議肥黎賣港」等字句嘅橫額及標語示威。期間佢哋並冇叫口號，以默站方式表達不滿，示威者逗留個多小時後離開。及至下午三時二十分，示威者再折返抗議，至大約五時和平散去。

近期針對漢奸黎嘅行動不絕，自六月十日起計，至今已踏入二百一十七日，連同尋日嘅行動在內，到漢奸黎寓所及將軍澳壹傳媒大樓外示威嘅行動最少達一百二十一次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百零八次。

卓妮