政府將喺下個月公布新一份財政預算案，而政府賣地收入預計近八百億元，再加埋印花稅、利得稅等等，盈餘唔單止比當時財政司司長曾俊華估嘅一百一十四億元高出好多，今年庫房直頭水浸咁款。好可能由依家署任財政司司長嘅財經事務及庫務局局長陳家強公布預算案，唔知佢會點派錢呢，抑或好似曾俊華咁做「守財奴」呢？
