政情：梁天琦畢到業 網民照狙擊

梁天琦張畢業相片上載不足半小時已有超過二千人讚好，更有多人留言恭喜佢成功畢業添！有眼利嘅網民就指出，梁天琦喺相片中「遮住左（咗）（港大校長）馬菲臣（馬斐森）」。唔知佢咁做有咩含意喇！不過亦有網民繼續狙擊梁天琦，指佢人格有問題，又有人稱「傾掂數唔再搞事咪有得畢業囉」！

宣誓風波期間一直「潛水」

梁天琦被選舉主任裁定提名無效，喪失參選資格，繼而成功將「Plan B」青年新政梁頌恆送入立法會，但梁頌恆當選後引發宣誓辱華風波，最終被法庭取消立法會議員資格，但期間梁天琦就一直「潛水」，更被謔稱為「西瓜琦」。

其後佢接受傳媒訪問時自認懦弱，因唔想即時還押而選擇咗自己，又形容自己仲係好廢，好多時候都係得個噏字，又話之後會繼續進修，似乎選擇咗做政治「逃兵」。