李嘉欣等到病 轟國泰安排失當
【本報訊】滯留札幌四日，一臉倦容及聲沙沙的大美人李嘉欣昨凌晨終與丈夫及兒子返抵香港，甫下機就接受傳媒訪問談感受。李嘉欣對國泰航空不滿之火似仍然未熄：「國泰去到last minute（最後一分鐘）都無通知具體安排，最主要係冇安排住宿，得第一日有，之後想再住嗰間酒店已經唔得，一直喺機場等。」
滯留四日 昨凌晨終抵港
李嘉欣與丈夫許晉亨及囝囝聖誕前到了北海道，但回程時遇到大風雪要滯留，當他們乘坐的國泰航班上周四（廿二日）停飛，一家便等了又等。至前晚九時多，李嘉欣在微博表示終於登機，後來雖仍有延誤，但總算可起程回港。昨凌晨三時多，李嘉欣返抵香港，一臉倦容稱：「好開心可以返到香港，喺嗰邊留咗四日都有諗其他方法離開，原本一直都好樂觀覺得上到機，點知就等咗四日。」
李嘉欣表示國泰直至她已滯留第三天的半夜，仍然沒有通知航班最新安排，她形容即使願意留宿新千歲機場，但「瞓都無位瞓」，水及食物供應也十分緊張：「我冇乜胃口冇食嘢，加上有好多菌所以我病咗，啲BB先最慘，不停咁喊，機場人手唔夠好混亂。」
何倍倩：國泰無任何安排
另外，恒生新抱何倍倩與老公及三子女到北海道度假，原定廿三日乘搭國泰航班返港，亦因大風雪而在當地滯留，她說國泰基本無任何安排，至昨日才收到消息可以三時許上機，她辦理出境手續時說：「希望順利起飛，過關好多人，好混亂，唔理咁多，入咗去先。」
_