鶴卷星奈 星味濃郁

上天有時真係好唔公平,人哋生得高大又靚仔,我就又肥又矮又醜樣。而喺日本寫真界亦有好多類似例子,因為當中有好多女優又靚女又好波,即使身材唔激凸,渾身上下都充滿迷人神采,我所講嘅就係鶴卷星奈呢位集青春活潑及攝人神韻嘅寫真界新貴喇!

瘦得誘人

好多女仔都認為瘦啲睇落個樣會靚啲,身材亦會更加婀娜吸引。其實醫生都有話,體形適中至會健康,太肥又或者太瘦都有可能會對健康不利。再者,唔係話個個人都瘦得好睇,好似小弟咁,瘦咗係靚仔啲,但係肥嘟嘟好多人話我夠穩重又夠可愛,成個福相咁一睇就知將來成為有錢人。又好似鶴卷星奈呢位小美人咁,雖然身形纖瘦,但係瘦得嚟誘人。鶴卷星奈剛滿18歲,正所謂少女十八無醜婦,又有云十八歲卜卜脆,星奈唔單止青春活潑又生得標致俏麗,笑起上嚟充滿陽光氣息,唔笑嘅時候一副含苞待放樣子亦風韻迷人、星味濃郁,難怪有人將佢同「千年一遇之美少女偶像」橋本環奈作比較喇!小弟覺得星奈比環奈更值得欣賞,因為星奈身材瘦得嚟曲線誘惑,感覺唔會瘦骨嶙峋,拍水着寫真不失火辣感,至於橋本環奈呢……仲未肯作性感演出囉。

年少有志

大家唔好睇阿妹年紀輕輕就以為佢啱啱出道喎!其實早喺3年前,即係佢得15歲嘅時候已展開模特兒生涯,同年加入埋寫真界,以寫真女郎身份參加選美活動「Miis iD 2014」,仲推出過唔少寫真映像作品添!除咗拍攝寫真經驗豐富,星奈仲係一位資深舞台表演者,除咗經常擔任活動司儀,仲係人氣美少女偶像組合N RNiR嘅隊長,帶領班好姊妹登台表演,發放青春魅力,備受年輕人所歡迎。星奈妹舞歌俱精,演技一樣掂,出道以來拍過3部電影,其中喺《彼氏な彼女》及《Grim Riaper》更係做女主角添!星奈表示希望將來成為藝能界天后,咁至唔會辜負父母,因為當時仲讀緊中學嘅佢花咗好多唇舌說服父母才能入行,今時今日至可以喺幕前演出咋。

鶴卷星奈Profile

年齡:18歲

身高:5呎3吋

三圍:32-23-33

社交網站

簡介:鶴卷星奈會將自己嘅公餘活動放上Twitter,同粉絲分享生活點滴,大家想了解星奈平時鍾意食乜玩乜,就要Click上去睇睇喇。

網址:https://twitter.com/1018seina?lang=ja

撰文:賢