我有正能量：傳揚施比受更有福
施比受更有福，把這信念一代傳一代，對負責今次計劃的保良局助理社會服務總幹事（幼兒服務）鄧何惠霞來說，能擁有這顆服務社會的心，是學童在學業以外，極為重要的成長發展。
「我哋希望佢哋知道，你可能收到好多好多禮物，但同時社會上有一班基層小朋友無人送禮物，透過計劃將呢啲籌集到嘅禮物送畀他人，將歡樂帶畀人。」鄧何惠霞指，小朋友除了學業方面，服務社會及品德同樣重要，達致全能發展。
不論年齡 均可服務社會
今次計劃招募已畢業的學生做義工服務，鄧何惠霞表示，小朋友做義工相對成人，會令人感到距離更近、更親密，「搵番一啲年紀差不多嘅師兄、師姐返嚟做義工，可以做個好榜樣，會令佢哋知道不論年齡，都可以服務社會，從細細個開始有呢種服務嘅心。」