讀寫障礙10歲女 法豎琴賽奪兩冠

現年十歲的曦怡現讀小四，其父表示，「曦怡讀幼稚園時，老師已提醒過話佢寫字經常錯，上咗小學，我都晚晚陪佢溫書，但無論讀到幾夜，考試都係倒數前幾名，後來經學校轉介做檢查，先知道問題所在。」

曦怡爸爸形容，當他知道女兒被確認為患有讀寫障礙時，感覺既「灰爆」又無奈。為方便照顧女兒，他與太太安排曦怡每天到他們開設的音樂教室，以便看管她做功課，有時因要看管她溫習而感到疲累到想哭。自此之後，曦怡的父母開始讓她跟教室裏的老師，學習豎琴整頓心情，卻無心插柳下為女兒開創了另一條路。

由內向變重拾自信

「曦怡睇字背書都好辛苦，但老師話佢學習豎琴好有天分，無諗到學咗三年，就接連喺香港大賽中奪獎，實在令我哋喜出望外」，曦怡爸爸續稱，以往女兒總是頭耷耷、非常內向，但自從習琴後即重拾自信，「有次佢她喺學校表演後回家，話同學聽完佢演奏都『嘩』一聲，連老師都話要跟佢學習，令佢高興到不得了。」

曦怡在獲得老師和同學的鼓勵後，更加勤於練琴，即使手指起水泡也不願停下。經過四年的練習，她終於在今年二月舉行的法國豎琴大賽中，連奪兩個組別的冠軍。曦怡將於今日聖誕節和明日拆禮物日一連兩天下午二時至四時，與豎琴班的老師和同學在青衣城演奏，以她的奇妙琴韻為大家報佳音。